Gradiant e o Campus Terra USC organizan unha xornada de traballo do Polo de Innovación Dixital para o agro galego

A xornada de traballo orixinará un informe sobre a situación actual que será a base da estratexia para a digitalización do sector en Galicia.

Gradiant e o Campus Terra da USC impulsaron unha intensa xornada de traballo do Polo de Innovación Dixital para o Sector Primario, no recinto da Feira Internacional de Galicia ABANCA de Silleda, coincidindo coa Feira CIMAG Gandagro 2017, o gran foro agropecuario de Galicia.
A inauguración da xornada estivo a cargo de Luís Pérez Freire, Diretor Xeral de Gradiant, e de Javier Bueno, Vicerreitor de Coordinación do Campus de Lugo da USC, que presentou o Diretor da Fundación Semana Verde de Galicia, Ricardo Durán.
Obxectivos
Os obxectivos da xornada foron tres: recoller as contribucións e os intereses dos distintos axentes e actores do ecosistema, para poder elaborar unha estratexia que asegure a sostenibilidad mediante a mellora da competitividade do sector en Galicia, a través da dixitalización; identificar e xerarquizar as necesidades do sector en Galicia; e para rematar, perfilar a participación de Galicia na iniciativa europea da plataforma S3 Agri-food.

Axilidade
Fiel á filosofía de traballo eficiente e áxil que promueve o Polo de Innovación, a xornada de traballo de Silleda tivo un carácter eminentemente práctico e requiriu da participación activa dos máis de cincuenta asistentes.

Os participantes dividíronse en sete grupos que abordaron de forma independente os tres talleres prácticos da xornada: Necesidades do sector primario, rol esperado das TICs de cara ao futuro do sector, e finalmente, as barreiras e os retos a superar.

Conclusións
Ao final de cada taller recolléronse e puxéronse en común as impresións e as ideas dos participantes en cada unha das mesas de traballo.

A partir das conclusións e as achegas destes talleres xerarase un documento que será a base para fixar unha estratexia de digitalización do sector agroalimentario de Galicia.
A clausura da xornada de traballo estivo a cargo do vicerrector de Desenvolvemento Científico e Tecnolóxico do campus de Lugo da USC, Andrés Barreiro, e da Directora Xeral da Axencia Galega de Innovación (GAIN), pertencente á Consellería de Economía, Emprego e Industria da Xunta de Galicia, Patricia Argerey.